Республика ихтисослаштирилган онкология ва радиология илмий амалий тиббиёт маркази Бухоро филиали 2017 йил Ўзбекистон Репсубликаси Президентининг 2866 сонли қарори билан Вилоят онкология диспансери негизида Республика ихтисослаштирилган онкология ва радиология илмий амалий тиббиёт марказининг филиали сифатида ташкил топган.

Республика ихтисослаштирилган онкология ва радиология илмий амалий тиббиёт маркази Бухоро филиалида бугунги кунда 500 нафарга яқин ишчи ходим ишлайди, бир йилда 2000 га яқин жаррохлик амалиёти ўтказилади, шундан 1000 га яқин юқори технологик жаррохлик амалиётлари, 1000 га яқин беморларга нур терапия, 4500 та беморга химиотерапия курслари, 40000 га яқин амбулатор беморларга маслахат, 30000 та патолого-цитологик текширишлар, 35000 та инструментал текширишлар ўтказилади.

Филиал мутахасислари асосан Россия, Туркия ва Корея давлатининг замонавий онкологик клиникаларида ўз малакаларини ошириб келишган бўлиб, беморларга юқори сифатли тиббий хизмат кўрсатишади. Мутахасислар томонидан нейроонкология, бош бўйин ўсмалари, онкоофтальмология, маммология, онкогинекология, абдоминал онкология, онкурология ва бошқа йўналишдаги ўсма касалликларини даволашда комбинирлашган ва комплекс даволашади.

Филиал халқаро онкологик клиникалар билан илмий ва амалий кадрларни тайёрлаш, беморларни телемедицина орқали консультация қилиш, илмий анжуманларни ташкил қилишда ҳамкорликда ишлайди.


Биргаликда онкологик касалликларни эрта ташхислаш ва даволашда юқори ютуқга эришамиз! РИОваРИАТМ Бухоро филиали директори - тиббиёт фанлари номзоди, вилоят бош онкологи Ғафур Саидов.